الدب الداشر يقود الثورة في السعودية

السلام عليكم أيها الشعب المسعود العظيم في برنامجكم فضفضة
 
الفلوس مو بس تغير نفوس الافراد الضعيفين، تغير بعد نفوس الدول اللي ما لها احترام لنفسها ومكانتها وسيادتها.
والمواطنين يعرفون، بالخصوص هذولي القريبين من المراخين ملاعين الوالدين، يعرفون ان فلوس البلد من سنين طويلة منهوبة من الداخل والخارج، ومن الدول، ومن الصحفيين، ومن الشركات الكبيرة والصغيرة ورجال الاعمال الأجانب وغيرهم.
يعني خزينة مفتوحة لكل من هب ودب.
مقابل هالفلوس، يشتري آل سعود ولاءات دول، وولاءات اشخاص، ويسيطرون على الاعلام ومراكز الأبحاث، ويشترون وزراء ومسؤولين ومشايخ من كل الدنيا، ويبنون مساجد الضرار اللي خرجت الإرهابيين في كل الدنيا.
اللي عايشين في لندن، مثلاً، يعرفون ان صحف صفراء كانت تصدر وهدفها تطلع فضايح آل سعود او بعضها، ، عشان يفاوضون الامراء ويسكتوهم بكم مليون.
ما أبي اعدد لكم اسماءها. كلها انطفت الحين، وطلع غيرها، بشكل جديد.
ومع مواقع التواصل الاجتماعي، اشتروا جماعتنا حسابات في تويتر وغيره.
لكن اللي وجهه قذر ما تنظفه مياه البحر.
واللي أفعاله قذرة، يوسخ كل مكان يوصل اليه ويفسده بأمواله.
في النهاية، كيف ما كان الدفع المالي من الأمرا للخارج، غرضه اقناعكم يا مسعودين يا عظام بأن ملككم احسن ملك في الدنيا. وانكم تعيشون في الجنة، حتى لو كانت اقدامكم في جهنم.
ويبون يقنعوكم ان آل سعود محبوبين في كل مكان في العالم، وان كل العالم يحترمهم ويحبهم.
ويبون يقنعوكم يا مواطنين يا كرام، بأنكم لا شي، واياكم ان تعترضوا على ال سعود ترا كل العالم يحبهم ويدافع عنهم ويموت فيهم.
وفي النهاية يبون يقولون لكم، ان حكم ال مرخان باقي الى يوم الساعة.
في عام ١٩٩٠ يعني بعد احتلال صدام للكويت، اكتشف آل سعود في اول امتحان ان العالم الإسلامي ما يحبهم، وان ما عندهم صديق، رغم المدفوعات المالية الكبيرة.
الأردن واليمن ومنظمة التحرير وغيرها صاروا مع صدام.
كل شعوب العالم الإسلامي وقفت ضد ال سعود، مو لأنهم شافوا ان قضية صدام واحتلاله للكويت صحيحة،
لا.. وقفوا لأنهم شافوا ان الفريق اللي فيه آل سعود، هو عدو للمسلمين. أي مكان فيه آل سعود يعني هم في جبهة الباطل.
المهم ان ال سعود اكتشفوا وتألموا ان كل الجمعيات والمؤسسات الإسلامية والشخصيات الدينية في كل العالم الإسلامي وقف معظمها ضدهم. حتى الاخوان المسلمين ما ايدوا آل سعود، وحتى كثير من الصحفيين اللي يستلموا من ال سعود ومعروفين بولاءهم لهم، ما وقفوا معهم.
ذاك الوقت شعر الامرا انهم لازم يغيروا سياستهم. وكان هذا راي النخبة الحاكمة مو بس راي الامرا المراخين.
قالوا: خلاص ما راح ندفع فلوس دعم للدول اللي وقفت ضدنا، مثل اليمن والأردن، لكن الأردن بسرعة اتصل بحمران العلابي الامريكان، وخلوا كل دول الخليج تدفع. هذي الدولة الأردنية لازم الجميع يدعمها الى ذا اليوم، حتى العراق اللي مبهدلة حياته، كان لازم يعلن عن ولاءه للأمريكان والغربيين بدعم الأردن.
وعلي عبدالله صالح في اليمن، اكلها علقة، اول شي طردوا مليون يمني من السعودية ونهبوا فلوسهم، ولعنوا أبو خيرهم. وبعدين وقفوا المعونات عنه، لكن آل سعود تراجعوا.
اما الصحف والمجلات والصحفيين اللي ما وقفوا مع ال سعود، فأوقفوا عنهم الدعم. وقرروا ان اللي يسب آل سعود، يخلونه يسب، ولا يردون عليه، ولا يخضعون للإبتزاز. وكان الراي السائد يومها يقول: ان هذولي المرتزقة اللي يسبون آل سعود بغرض الفلوس، ما راح يوقفون عن السب، يعني كل فترة يطلعون بمقالة او شتيمة او ينشروا شي من الفضايح، عشان يذكروا ال سعود بأن الوقت قد حان للدفع.
يعني اللي قرروه آل سعود، سووه على النص. كثير من الجمعيات والشخصيات والمؤسسات والحركات الدينية وغيرها وقفوا عنها الدعم من ذاك اليوم. وقللوا الدعم عن كثير من الدول. وقرر فهد يومها ان ينشغل شوية بالداخل بعد الصدمة اللي شافها، وكانت البلد مديونة ومفلسة بسبب الحرب وتكاليفها، وبكذا نامت السعودية من بداية التسعينيات الميلادية، ولا صحت من النوم الا بعد تفجيرات سبتمبر في واشنطن ونيويورك!
المهم ان آل سعود اليوم يشتغلون على النص. شوية دعم لبعض الدول (اردن على مغرب على بعض الجماعات في لبنان)، واذا بغوا شي دفعوا ثمنه، حسب القطعة او بالقطعة. مثل اللي شفتوه من عمر البشير والسودان. قالوا له: جيب جنودك لليمن تقاتل، واقطع العلاقة مع ايران، وراح تحصل خير كثيييييير!
الرجال سوا اللي اطلبوه آل سعود. بس اللي حصل انهم اعطوه الدفعة الأولى ووقفوا. وهالأيام بدا يتحرّش بهم وراح روسيا، وقام يغازل سوريا وايران. يعني ادفعوا والا شلت جنودي من اليمن، وغيرت اتجاهي!
للتبرع عن طريق عملة البت كوين الالكترونية
34AxwPuaohmp91uYJtW1o7Bn34A8YiUBKD

https://www.pscp.tv/GhanemAlmasarir/follow

برنامج الجنادرية مع غانم الدوسري
حساب تويتر
https://twitter.com/GhanemAlmasarir

حساب فيس بوك
https://www.facebook.com/GALmasarir
إيميل
[email protected]
whatsapp:
00447478260630
سناب
https://www.snapchat.com/add/galmasarir