الكوكيز اللذيذ والهش

الكويكز

المقادير :
اصبع زبدة 100 جرام بحرارة المطبخ
كوب ونص دقيق ابيض
نص كوب حبيبات هيرشيز
نص كوب سكر بني رطب نص كوب سكر ابيض
٢بيضتن وملعقة فانيلا
ملعقة صغير جدا ملح
ملعقة حلا بيكروبونات الصوديوم
الطريقة : اول شي انخلي الدقيق وبيكروبونات الصوديوم والملح وخليها على جنب ثم ضعي في العجانة الزبدة والسكر البني وتخلط جيدا ثم اضيفي لها البيض والفانيلا ثم الدقيق على دفعات وتخلط جيدا ثم دخليها الثلاجة ربع ساعة افضل تعطيك نتيجه جدا ممتازة ثم ضعي في الصينية ورق زبدة واغرفيها بملعقة الايسكريم افضل لك عشان تجي بمقاس واحد على مسافات متابعدة عشان ماتتلصق ببعض بعد ماتتحمر اما الفرن يكون قبلها بعشر دقايق حار من تحت على حرارة١٧٠ وتدخل الفرن عشان تتحمر من تحت فقط ثمان دقايق وبدون تحمير من فوق عشان ماينشف معك ويجي قاسي وبالعافية

ملاحظة : تري اول مايطلع من الفرن جدا طري عادي خليه يجلس برا شوي ينشد ويجي روعه ويفضل انك تخلي مقدار السكر ثلاثة ارباع كوب سكر بني بدون الابيض حسب رغبتكم وخليه بالصينية حتي يبرد لاتشيلونه وهو حار عشان مايتفتت عليكم واللي حاب الكوكيز شوكولاتة يضيف له ملعقتين كبيرة كاكاو بودرة اما التحمير من تحت اشقر فاتح عشان مايجي معك قاسي ومن فوق بدون تحمير ابدا عشان ايضا مايجي معك ناشف وقاسي لازم يجي لين ورطب معك ومن ناحية السكر البني الافضل انه يكون سكر بني رطب يعطيك نتيجه افضل واحسن من ناحيه اليونه وبعد مايطلع من الفرن اضيفي له حبيبات الهيرشيز وهوه حار تعطي شكل وطعم جميل وبالعافية عليكم