مقلووبة المطاعم بالدجاج واللحم ب لمسات ام يزيد شي ماينشبع منه ????????

الكشنه /
زيت ،حبتين بصل مقطع ناعم
ملعقه كبيره مليانه ثوم مدقوق
ملعقه كبيره بهار مشكل ( بهار كبسه )
ملعقتين كبير ملياااانه معجون طماطم
ملح ، ٤ حبات طماطم مقشر و معصور

سخني الزيت و ضيفي البصل و قلبيه حتى يسير لونه ذهبي و ضيفي الثوم و قلبيه حتى تطلع ريحتو و ضيفي البهار و معجون الطماطم و قلبيه و ضيفي الملح
و الطماطم و قلبيه حتى يتسبك
و بعدها اخلطي الكشنه في الخلاط حتى يصبح قوام الكشنه زي المعجون
و هنا نحتاج حبة دجاج مقطع من النص و اقل من كيلو لحم
و قسمي الكشنه الى قدرين وفي قدر ضعي الدجاج و في قدر ثاني اللحم
و اسكبي عليهم مويه مغليه و اتركي اللحم و الدجاج يستوي
( او تكوني سلقتي اللحم من اول و تحطي اللحم المسلوق فوق الكشنه مع مرقتو و حتى في الدجاج ممكن تسكبي مرقة اللحم عشان النكهه يسير احلى )
و نحتاج _ خضار مقطع شرائح رفيع و مقلي في الزيت ، باذنجان . بطاطس . جرز . قرنبيط . فلفل رومي ممكن تقليه و ممكن لا
الطريقه /
احضري قدور المنيوم ( حق استخدام مره ) و رصي الخضار في قاعة القدور و ممكن تحطي فلفل حار حبات و ضعي في القدر اللحم و في قدر ثاني دااجاج و زي كذا
و اسلقي ٥ اكواب رز مغسل و منقوع و في موية السلق ضعي الملح و بهار حبات اسلقيه على حد الاستوى
و وزعي الرز في القدور و غطي عليه و ادخليه في الفرن مسخن مسبقا و اتركيه ٢٥ دقيقه و النار من تحت