10 حقايق غريبة سريعة تعرفها لأول مرة

ممكن تسافروا الدنمارك وتستمتعوا بأكبر قلعة رملية موجودة في العالم. عشان تتنفذ القلعة تم الاستعانة بحوالي 30 نحات استخدموا 5000 طن رمل وزودوا عليه صلصال وصمغ عشان تعرف القلعة اللي طلع طولها 69 قدم تواجه الريح والمطر والأعاصير وكل أنواع الطقس السيء.

هل تخيلتم في مرة انكم ممكن تناموا جوا بطاطس؟ دلوقتي ممكن ناس كتير تقضي ليلتها جوا بطاطس بدل ما تروح الفندق؟ لو كنتم صدقتم، فدي حقيقة، مصممين الفندق ده حاولوا بأي شكل يرضوا أصحاب الأذواق الغريبة، وقرروا يبنوا فندق طوله تمانية متر ونص وعرضه أقل من اربعة متر عشان يكون شبه حبة البطاطس الغريبة

هل فكرتم في يوم ليه المراهقين بتوع أيام زمان مش شبه خالص المراهقين اللي بنشوفهم دلوقتي؟ ليه دايما مراهقين زمان بيطلعوا في الصور أكبر من شكلهم الحقيقي؟ الإجابة بسيطة، عشان المراهقين زمان كانوا بيحبوا دايما يشتروا الهدوم اللي اتعودوا يلبسوها وبتريحهم أكتر. احنا دلوقتي بنشوف الناس الأكبر سنًا هي اللي بتلبس بستايل قديم شويه، بس هو ده اللي المراهقين كانوا متعودين يعملوه يشتروا الهدوم اللي بتريحهم ومتعودين عليها، وده اللي هيحصل مع مراهقين اليومين دول. تخيلوا لما يكبروا ويبقوا عندهم أحفاد هيفضلوا يلبسوا الهدوم اللي اتعودوا يشتروها

تفتكروا ايه نوع الحيوانات اللي ممكن تلاقوها في غابات الأمازون؟ فهود، نمور، ولا تماسيح؟ تخيلوا انهم في 2019 وجودا حوت أحدب في غابات الأمازون. المفروض انه الحيتان دي بتعيش في المحيط الواسع عشان حجمها كبير ولكن لما نشوفها في مياة غابات الامازون الضحلة أكيد هيبقى الموضوع مختلف. الخبراء رجحوا أنه يكون الحوت ده ضل طريقه ودخل غابات الأمازون بالغلط

الفيلة عندهم أكبر ودان في عالم الحيوانات والبشر. بس مين ممكن يتخيل أنه حتى الودان دي مش كفاية؟ هتسألني ازاي؟ هقولك أنه فيه طريقة تانية بتسمع بيها الفيلة الأصوات البعيدة شويه، وهي الارجل . لما بتستشعر الفيلة أصوات من على بعد أميال، بتتجمد في مكانه وتميل بجسمها لقدام وبتنقل تقلها كله لرجلها الأمامية.


معلومة ع الماشي: معظم الناس بتفكر أن فطاير التفاح أصلها أمريكي. ولكن التفاح أصلًا بيتزرع في آسيا.. وأول فطيرة تفاح اتعملت في التاريخ كانت في انجلترا.


مفكرتوش قبل كده لما الحاجات بتدوب ألوانها بتروح فين؟ الإجابة دي علمية، فيه نوع من الإلكترونات اسمه كوروموفونات بتمتص الفوتونات الضوئية عند طول موجي معين، والفوتونات اللي مينفعش يتم امتصاصها، بترجع الأجسام دي تخرجها تاني وعلى حسب الطول الموجي بتاعها بنشوف اللون اللي طالع منها


مش ممكن لأي عقل بشري أنه يكمل مهمتين محتاجين تركيز بنفس الدقة في نفس الوقت. مش ممكن يحصل ان نعمل مهمات كتير في نفس الوقت وتطلع كلها صح.


نفس اللي بيحصل في الميادين العامة بالرغم من دوران العربيات السريع الا اننا مش بنحس بالدوخة. خلونا نعتبر كوكب الأرض زي الميدان اللي بيلف بسرعة في الفضاء 100 ميل في الساعة. طب ليه مش بنحس بالدوخة من دورانها؟ عشان فيه قوة تانية بتأثر علينا وتشدنا ليها وهي قوة الجاذبية اللي بتشدنا للأرض تحتنا بقوة أكبر ألف مرة من قوة دوران الأرض حوالين نفسها في الفضاء.


عمرك سألت نفسك ليه في الصيف مش بنجوع كتير زي الشتا؟ تعالى أقولك ليه يا صديقي. لما بتاكل في الصيف بتحول المعدة 250 سعر حراري من كل 1000 سعر حراري بتاكله للطاقة اللي جسمك محتاجها، وبقية السعرات الحرارية بتتحول لحرارة. فلما الجو بيبقى حر جدًا حواليك جسمك بيبذل كل طاقته عشان يحميك من الحرارة الزيادة دي


لو عايز تفتكر أحلامك لما تقوم من النوم، جرب تنام في أماكن متعرفهاش. ايوة زي ما سمعتني بالظبط، العلماء اكتشفوا أنه فيه حاجة اسمها "تأثير أول ليلة" والتأثير ده بيحصل لأي حد بينام لأول مرة في مكان ميعرفهوش. ساعتها بيفضل الشخص ده قلقان طول الليل، ومعرض انه يصحى كل شويه. وقتها هيفتكر الاحلام اللي شافها أسرع وبدقة اكتر. والسبب في ده بيرجع انه الجانب الشمال من المخ بينام بشكل أخف من الجانب اليمين وده في حالة النوم في مكان غير معروف للشخص وده اللي بيخلينا متحفزين لأي هجوم بالليل

" متع عقلك - حقائق " | تبحر بك فى عالم من المعرفة والإطلاع لتعيد إكتشاف العالم من حولك
قناة متع عقلك الرئـــيـسـيـة ◄ http://bit.ly/2biocr1
قناة متع عقلك | حـــقــائــق ◄ http://bit.ly/2bwiDJt
قناة متع عقلك | شـخصيات ◄ https://goo.gl/QqcMkz
قناة متع عقلك | لايــت ◄ goo.gl/zgezQ0
تابعونا على انستجرام ◄ https://bit.ly/38lGdDj
تابعوني علي تــــويتــــــــر ◄ https://twitter.com/mata3_3a2lak
تابعو صفحة الفـيـسـبـــــوك ◄ https://bit.ly/2SsdSWi