مدفون الدجاج بالخضار

مدفون الدجاج مع الخضار بقدر الضغط مع الرز روعه

الطريقة :: قطعي الدجاج الى اربعه ويغسل بماء وخل وملح خشن وشوي طحينه عشان ريحه الزفره منه تروح وخليه ربع ساعة وبعدها اغسلي الدجاج ثم ضعي عليه ملح وبهارات مشكله وفلفل اسود واحمر وشطه مطحونه بالزيت وكركم وزيت الزيتون ويخلط جيدا وخليه على جنب ثم قطعي حبه كبيره بصل شرائح وحبه كبيره طماطم وحبتين فلفل رومي الى دوائر وسط وليمون وخولجان وفلفل حار اخضر ثم رصي البصل والطماطم والفلفل الرومي في اسفل قدر الضغط ثم ضعي عليه الدجاج بالجلد مقلوب عشان يحمر ثم يضغط لمده ثلث ساعة اول مايصفر على نار صغيره طبعا بدون ماء ابدا لان الدجاج بينكتم بالضغط مع الخضار وبيستوي ويطلع يهبل وبعدها سكري عليه ثم ضعي فوق الدجاج حبتين بطاطس مقطعه شرائح وسط واسلقي الرز نص استواء مع شوي زيت وملح وبعدها صفيه من باقي الماء وضعيه فوق البطاطس ورشيه بالزاعفران المنقع عشان يعطي لون حلو ثم يضغط الرز مع الدجاج والبطاطس لمدة عشر دقائق على نار صغيره ويقلب في الصحن ويقدم وبالعافية

ملاحظة ::: الرز المستخدم رز ابوكاس والوليمة والشعلان ﻻنهم افضل انواع الرز