شرهة الغالي - موضي الشمراني - حصرياً - 2023

خلوني أسج دام السجه أشلالي‬
من جلسة البيت ولا مجلس النمه

أرتاح ويطيب جوي بالخلا الخالي
في خايعٍ يبعد المهموم من همه

ربيع نفس البنادم راحة البالي !
لاصار مرتاح يرقد لو على كمه

وأنا مقفل عن الازعاج جوالي !
ماودي أكدر الخاطر ولا أغمه

حتى وليف الحشا يشره على وصالي
لي عدة أيام. مانيب. التفت يمه

ماغير رايح لحالي وراجع لحالي !
ماني مع الناس مفترقه وملتمه

وش لي بهرج القفا والقيل والقالي
ومعاشرت من يسب الكفو ويذمه

ياوجهي لاتهمك الا شرهة الغالي !
بعض المشاريه لامذهب ولا ذمه

اللي مايصفى لا ابن عمه مايصفى لي
لاخير باللي مايصفى مع بني عمه

من كثر ماشفت صرت أشك بضلالي
وأنا أخو الطيّب اللي لم تلده أمه

مشاكل الوقت ماخلتني بحاااالي !
لولا فنون التعامل جيت بمطمه

والله أن تجناب بعض الناس يحلالي
لو أنها تورد الضامي على الجمه


:snapshat
https://www.snapchat.com/add/mmoodi243

:instagram
https://www.instagram.com/modialshamrni509/

:Tiktok
https://www.tiktok.com/@modialshamrani?_t=8Zufnvdlhuk

:Facebook
https://ar-ar.facebook.com/modialshamrany



اداره وتنظيم : رنيم

(اذا كان لك محتوى وترغب بازالته من القناة . اتمنى التواصل معي شخصيا‘ وابلاغي )

متابعيني وجمهوري الجميل :
(لأن رأيكم وتعليقاتكم ودعمكم يهمنا لا تنسوا الاشتراك في القناة وتفعيل زر التنبيهات وإذا عجبكم لايك) نشكر تفاعلكم معنا وتمنياتنا لكم معنا بقضاء أسعد الأوقات .


ملاحظه: (يمنع رفع هذا الفيديو سوا كان بقناة اوموقع الكتروني اواستديو باي شكل من الاشكال
وفي حال فعل ذلك تعرض قناتك الخاصه للضرر من قبل اداره موقع
Youtubeوالمطالبه القانونيه للموقع اوالاستديو)

موضي الشمراني