حسين الجسمي - فخر الأجيال ( حصريا ) | 2025

اشترك في قناة حسين الجسمي الرسمية
http://bit.ly/HussainAlJassmiYT

حسين الجسمي - فخر الأجيال ( حصريا ) | 2025

من أشعار سمو الشيخ حمدان بن محمد بن راشد آل مكتوم "فزاع"

ألحان: محمد الشاعر
توزيع: فهد سواح
مكس وماستر: م. علي الأمير


الكلمات:
على وصف الرجال اللي تسمى بالفعال رجال
لفت بيض العلوم وبيض الله وجه راعيها
لفت ما كنها الا سبق الخيل ان بدت تختال
نواصيها النعوت وفي مناكبها قوافيها
قصايد والقصايد ما نساومها بجاه ومال
نعب بحورها وان هاج مزملها نرسيها
إذا امتد الفكر وامتد ليلي والقصيد وطال
توشحت الشوارد ولبست الاشعار غاليها
كذب من قال ساعفني عليها الجن يوم تقال
أنا البس جنها واصدر مواردها وارويها
أنا ولا فخر نجل الشامخ المتمرس الريبال
على وصفه تجاريني القصايد قبل اجاريها
على محمد إبن راشد ابن مكتوم طاب الفال
وطابت لي قبل لا الزم قوافيها معانيها
متى قالوا صواريها المعاني ما هناك اشكال
حرام اني لمد شراعها لأكبر صواريها
على اكبر منبر ارميها ثنا وعز وفخر واجلال
ما دام ان الثنا لأهله على اكبر منبر ارميها
لاجل قرم غرس حلمه لشعبه واثمرت الامال
حقايق نبصر اولها ونتباشر بتاليها
حقايق واضحه من دون ابو راشد صعب تنطال
تباركها القلوب وتبهر الناظر مغانيها
مغانيها تراود كل عطر ما خطر ع البال
واراضيها يراود كل عاشق فوع ناديها
أراضيها الخزاما والنفل والبختري والهال
وما يخطر على بال العطر يزخر باراضيها
ولي فيها محب أسرف على قلبي وحط وشال
طلب روحي وروحي منه فيها اللي يكفيها
من اول ما عرفته والضلوع تجر له موال
ولا ادري نيته بضلوع صدري وش تواليها
أنا محتار ما بينه وبين دبي بالمثقال
يا أما دبي له تحلا أو انه لي محليها
أو ان دبي تحلا لان أبو راشد لها خیال
نعم والله وتسبق خيلها من سبق واليها
دبي العز من طيب النسايم عودها ميال
تمسي صاحب القدر ونحن باسمه نمسيها
صدی داره بشرق وغرب وجنوب التقى وشمال
قبض الاربع جهات يلين داره ذاع طاريها
طغى عزمه على وعر الدروب وله غدت مسيال
تسيل الأرض لاقدامه وتفخر من مواطيها
غريبه كيف جادت به سنینه والسنين بخال
والاغرب كيف تضما له وهو بالجود يسقيها
لو ان المجد سهل ان كان كل طال منه ونال
دروب المجد ودروب العلا صعبه مراقيها
طويل العمر ما جيت اعتزي في وصفك الأمثال
ولكن المثايل تعتزيني بك والبيها
يابوي ابشر ترى شبلك توارت عن مداه اشبال
وثب فوق الدروب وسابقت رجله خطاويها
ورث عزمك وحزمك والخصال تجر طيب خصال
مواثيقه على طرق المكارم بك يجديها
إذا شد الفخر لاجلك رحاله قمت اشد رحال
على نهجك عشان افرد رحاله وارجع اطويها
واذا قالوا : من ادرى بالحصابي والوزون ثقال
عرفت ان الوزون ثقال وانت ادری بحصابيها
على الدنيا جدال الا انت والله ما عليك جدال
مع ان إيدك يجادل كل وادي سيل واديها
لو ان السحب تنشا من كفوف امست عليك ظلال
وخرت ساجده لاهل الثرى من جود منشيها
مكارمك المكارم والعطايا من بحرك جزال
لو ان السفن تجري في يمينك ضاع شاطيها
يمينك كم لاحت و ابرقت وابطت وهي تنهال
ولا والله تدري عن يسارك كم معاطيها
وكم رجل بصدره حاجه وجاك وقبل لا يسال
عطيته كنك ادری بالصدور وسر خافيها
وكم حلم سبقته كان في عين الزمان محال
تقول المقبلات افضل عليك اسرار باريها
يقولون اختصرت اجيال واقول انته فخر الاجيال
إذا الأجيال بك ما تفتخر من يفتخر فيها

#حسين_الجسمي
#فخر_الاجيال


HUSSAIN AL JASSMI. All rights reserved ©

ـــــــــــــ
Official Website: http://www.hussainaljassmi.com
Official iTunes: http://apple.co/1UcsKU4
Official iTunes Connect: https://itun.es/eg/EsJf0
Official Twitter: https://twitter.com/7sainaljassmi
Official Instagram: http://instagram.com/7sainaljassmi
Official Facebook: https://www.facebook.com/hussainaljassmi
Official Youtube: https://youtube.com/HussainAlJassmi
Official SoundCloud: https://soundcloud.com/hussainaljassmi