من داخل الأرشيف السري للمخابرات المصرية | تفاصيل عملية إغتيال عمر سليمان ... لم تكن وفاة طبيعية

في ليلة هادية من ليالي يوليو 2012، الساعة لسه معدّتش نص الليل…
دخل اللواء عمر سليمان مستشفى كليفلاند بأمريكا، وحالته كانت أسوأ من أي وقت فات.
كل أجهزة جسمه كانت بتنهار، واحد ورا التاني…
ولما اتعملت له التحاليل؟
النتيجة كانت غريبة وصادمة:
عنده "الداء النشواني"… مرض نادر، بيأكل أعضاء الجسم وحدة وحدة!
لكن اللي هتشوفه دلوقتي، مش مجرد قصة مرض…
دي قصة اغتيال منظم… اتنفذ بصمت، واختفى الدليل!
ولكن خلينا نعرف الاول مين هو عمر سليمان ؟
عمر سليمان ده ماكانش شخصية عادية خالص… ده كان أشبه بشبح بيمشي وسط رجالة الدولة، الكل يعرفه… بس مافيش حد يقدر يقرب له. ماكنش بيطلع في الإعلام، وماكانش له صور كتير، لكن اسمه لوحده كان كفيل يوقف أي مسؤول
هو ببساطة…كان الصندوق الأسود للنظام المصري.
عمر سليمان اتولد في محافظة قنا، سنة 1936، واتربى في بيت بسيط، بس من بدري كان واضح إنه مش بني آدم عادي. دخل الكلية الحربية، واتدرّب واتعلّم، وبعدين انضم للمخابرات العسكرية. شوية بشوية، بقى اسمه معروف في الكواليس. المفاجأة الكبيرة بقي جات سنة 1993، لما الرئيس الأسبق حسني مبارك عيّنه رئيس للمخابرات العامة. ومن هنا… بدأ عمر سليمان يظهر على رادارات العالم كله.