ملك الإستخراء سلمان يستخري في طنجة

ابو فهد، اقصد أبو محمد، أقصد إمام المسلمين سلمانكو، والد الدبّ الداشر، خلّص شغله مع ولد نايف.

خلاه في الحبس، وخلّى أمرا ثانين يقضون اجازتهم في قصورهم في الإقامة الجبرية.

وهو ـ اقصد مولانا خادم الحرمين الشريفين ـ قال الدنيا حرّ وقام أخذ طيارته اللي حنفياتها من ذهب، وفيها غرفة مساج، وبدون مسجد، وراح برّا البلد في اجازة خاصة، يريّح شوي، كما هي العادة كل سنة.

عادة ما يقولون وين راح يولّي سلمانكو ابن الموسوس ابن سعود.

لكن بسرعة تجيك الأخبار.

انا فكرت ان سلمانكو ما راح يصيّف هالسنة، وما راح ياخذ اجازة.

وما دام انه اخذ اجازة، فهذا يعني ان حمودي تجاوز مرحلة الخطر، وان كل شي تحت السيطرة بعد الانقلاب على الهايف ولد نايف.

فيه ناس توقعوا ان الخادم ناوي على بالي في اندونيسيا. لانه استانس يوم راح الها آخر مرة.

ناس ثانين قالوا يمكن راح المالديف، لان ولده الداشر اشترى جزيرة، وناوي يعمّرها، يخلي فيها مطار وميناء وقصور وكل ما تشتهيه الأنفس، وتلذ به الأعيُنْ.

عاد لو شرّق سلمانكو، راح اتطيح في راسي، لأني هالمرة معزّم اروح له. بس مو لآخر الدنيا.

ابي اروح له اذا كان في المغرب او في قصره بأسبانيا، والأحسن انه يجي قريب يمنا في باريس، او حتى في لندن. ترى ابو فهد صار له زمان ما صيّف عندنا، وياليت يمرّ عشان نشوف طلّته السمحا!

الان عرفنا ان سلمانكوا راح يستخري هالسنة في المغرب؛ في طنجة، مو في قصر اخوه الراحل سليطين ـ القصر الأحمر ـ اللي في كازبلانكا. يقولون باعوه الورثة، بس ما ندري مين اللي اشترى القصر، يمكن المشتري هو سلمانكو نفسه.

انا هالسنة مصرّ اني اشوف ابو فهد، لسببين:

الاول، ابي اشكره لأنه خلّصنا من واحدن مجرم هو وزير الداخلية الهايف ولد نايف. وابي اقول له انه ملك عبقري، لأنه قدر يتخلص منه بأوسخ وأسرع طريقة، وهذي تدل على حنكة ووساخة مولاي خادم الحرمين حفظه الله ورعاه.

لو غيره كان غرق في شبر ماء! بس هذا اخو نورة ابو فهد، مو لعب، يقدر يسبح مثل الدلافين في السرعة، ويقدر يخوض البحار ويشقها شق مثل الحيتان.

اما السبب الثاني، فأنا ابي اشوف ابو فهد واخبره بأني مصرّ على ان يعطيني شرهتي. انا مواطن مطيع لولاة أمره، وصار لي ثلاث سنوات، أشتغل في خدمة إمام المسلمين بدون مقابل، لا مادي ولا معنوي. قلت على الأقل يعطيني شرهة، حالي حال المستضعفين اللي يصفون على ابواب الملك الكريم العظيم!

انا شغلي مو سهل، كل يوم قاعد انصح واحد من المراخين ملعونين الوالدين. ومع اني اكرههم، لكني اقدم لهم النصيحة السنعة، وهذي ما هي ببلاش، وشورتي احسن من كلام الخبرا اللي يجيبوهم من الغرب!

انا اعرف اللي يبيه ابو فهد، واعطيه النصايح اللي تعجبه!

برنامج الجنادرية مع غانم الدوسري

حساب تويتر
https://twitter.com/GhanemAlmasarir

حساب فيس بوك
https://www.facebook.com/GALmasarir
إيميل
[email protected]
whatsapp:
00447478260630
سناب
https://www.snapchat.com/add/galmasarir