حلا بابا روتي

حلا بابا روتي افضل عجينه لجميع انواع الحلويات تسوينها مره روعه لكل شي وهشه جدا


المقادير ::

٣ اكواب دقيق ابيض
كوب ونص ماء حسب الدقيق
فنجال شاي زيت
٣ ملاعق كبيرة حليب بودرة
ملعقتين سكر
ملعقة صغيرة خميره
معلقة صغيرة بيكنج بودر
ظرف دريم ويب



مقادير الخلطة : ملعقتين اكل كبيره زبدة بحرارة المطبخ ملعقتين اكل كبيره دقيق ابيض ملعقتين أكل كبيره سكرمطحون ومعلقة صغيره نسكافيه تذاب في شوي ماء




الطريقة تخلط جميع المكونات السابقه ماعدا الدقيق في خلاط الكأس الكهربائي دقيقتين ثم تسكب ع الدقيق وتعجن جيدا لمدة عشر دقايق عشان تجي معكم مضبوطه صح ثم ضعيها في طاسه وغطيها وخليها ع جنب نص ساعه ثم اضربي في العجانه بمضرب الشبك ملعقتين اكل زبدة بحرارة المطبخ وملعقتين اكل كبيره دقيق ابيض ملعقتين أكل كبيره سكرمطحون ومعلقة صغيره نسكافيه تذوب في شوي ماء وتخلط لمدة خمس دقايق حتى تجي عندك خليط برغوه ثم ضغيه في كيس بلاستيك أو في قمع بلح الشام حسب الموجود عندكم وع طول بالثلاجة ثم خذي العجينه وتقسم الى ست كور وتكور وتغطي ربع ساعه ثم خذيها وتفرد باليد وضعي في الوسط قطعه زبده تكون جامده عشان ماتسيح معك وقت الشغل وتخرب عليك وبعد ماتخلصي المجموعه خليها في صينيه وتدهن بشوي من الزيت تحتها عشان ماتلصق عليك او ضعي تحتها ورق الزبده وتغطى نص ساعه وتترك عشان تعطيك نتيجه جدا ممتازه ثم خذي الكريمه وقصي الخليط من تحت زوايه وتزين ع العجينه بشكل دائري مرتب لازم تغطى كامل من فوق عشان تجي معكم مضبوطه صح وتدخل الفرن يكون حار من قبل على حرارة ١٧٠ من تحت ربع ساعه عشان تسيح الخلطه ثم من فوق خمس دقايق تحمير خفيف وتزين بشوي نوتيلا ع شكل خطوط وتقدم وبالعافيه



ملاحظة :: اللي تبي نفس العجينه مالحه للفطاير نفس المقادير بس بدل الدريم ويب علبه زبادي جدا روعه لكل شي جدا هشه